No marco da colaboración existente entre as institucións que representan
O vicerreitor do campus reúnese co subdelegado do Goberno en Ourense
Este mércores, Francisco Javier Rodríguez Rajo, vicerreitor do campus de Ourense, mantivo un encontro institucional co subdelegado do Goberno en Ourense, Emilio González. A xuntanza, celebrada na sede do órgano gobernamental, xorde no marco de cooperación que manteñen as dúas institucións. Nela Emilio González felicitou ao campus de Ourense pola súa acreditación como Campus Auga e por ser “un referente non soamente na provincia senón en toda Galicia en captación de alumnado e en proxectos de investigación a través das diferentes facultades”.